Sandafell er gisti- og veitingahús í tveggja hæða nýuppgerðu steinsteyptu húsi, byggðu 1947.

Við bjóðum 13 herbergi, þar af eru 2 fjölskylduherbergi. 8 herbergjanna eru með sérbaðherbergi en sjónvarp er á öllum herbergjum sem og ókeypis þráðlaus internetaðgangur. Öll herbergin eru stór og útsýni frá þeim mjög fallegt.

Veitingasalur rúmar um 80 manns í sæti. Þar er á sumrin boðið upp á góðan mat á sanngjörnu verði. Morgunverður er framreiddur í veitingasal.